Ինֆեկցիոն հիվանդությունների ընդհանուր նկարագրությունը. Ինֆեկցիոն հիվանդությունները արագորեն տարածվում են` ֆերմերներին հասցնելով մեծ վնասներ և ունեն միկրոբային, վիրուսային, սնկային ծագում:

Ինֆեկցիաները մարդկանց և կենդանիների այն բոլոր հիվանդություններն են, որոնք հարուցվում են ախտածին միկրոօրգանիզմների միջոցով: Ինֆեկցիան (լատ. Infectio` վարակում եմ) վարակվածության վիճակ է, որը պայմանավորված է ախտածին միկրոօրգանիզմի և մակրոօրգանիզմի (կենդանու) փոխներգործունեությամբ: 

Տնտեսական վնասները. Եթե ժամանակին չի իրականացվում կանխարգելիչ և պայքարի այլ միջոցառումներ, ապա անասնապահությունը ինֆեկցիոն հիվանդություններից կարող է կրել մեծ տնտեսական վնասներ: Դրանք են.

ա) ուղղակի կորուստներ կենդանիների անկումներից,

բ) կենդանիների մթերատվության նվազումից առաջացած կորուստ,

գ) կենդանիների և կենդանական հումքի իրացման նվազում (որոշ հիվանդությունների դեպքում արգելվում է վաճառել հիվանդ անասունից ստացված մթերք):

Խոշոր եղջերավոր կենդանիների (ԽԵԿ) առավել տարածված ինֆեկցիոն հիվանդություններից առաջացած տնտեսական վնասները տրված են աղյուսակում:

ԽԵԿ-երի  որոշ ինֆեկցիոն հիվանդությունների տնտեսական վնասները

                Աղյուսակ

Անապահով է համարվում այն համայնքը, որտեղ կա հիվանդության հարուցիչ (միկրոբ, վիրուս, սունկ, պարազիտ կամ մակաբույծների ձվեր), և մեծ է կենդանիների հիվանդանալու վտանգը:

Այս բաժնում Դուք կգտնեք ավելի մանրամասն տեղեկություններ ԽԵԿ-ի առավել տարածված ինֆեկցիոն հիվանդությունների մասին:

• Դաբաղ
• Խշխշան պալար (Էմկար)
• Բրուցելյոզ
• Տուբերկուլյոզ
• Սիբիրախտ
• Պաստերելյոզ
• Տրիխոֆիտիա (մկնատամ)
• Մարդկանց և կենդանիների համար ընդհանուր ինֆեկցիոն հիվանդությունները
• Ինչ անել, եթե ձեր տնտեսությունում կամ համայնքում գրանցվել է ինֆեկցիոն հիվանդության դեպք
• Ախտահանում
• Սպանդ և կենդանու դիակների ոչնչացում
• Ֆերմայում սահմանափակման միջոցառումների իրականացման հիմնական մոտեցումները /ամփոփ աղյուսակ/