«Անասնապահության զարգացում Հայաստանի հարավում» ծրագիրն առաջարկում է Սյունիքի և Վայոց ձորի մարզերի թիրախային համայնքների ֆերմերներին մասնակցել «Կաթի արտադրության արդյունավետ կազմակերպում» ենթածրագրին, որի նպատակն է կին ֆերմերներին ուսուցումների միջոցով ծանոթացնել կաթի արտադրության ժամանակակից մեթոդներին, մասնավորապես՝

• կթի հիգիենայի և կաթի նախնական պահպանմանը,

• կթի ագրեգատների կարևորության, դրանց առավելությունների և օգտագործման եղանակներին,

• կերային ռացիոնների կիրառման կարևորությանը:

Ենթածրագրի շրջանակներում մասնակից ֆերմերային տնտեսությունները հնարավորություն կստանան Սյունիքի անասնաշուկայի ագրովաճառակետից ձեռք բերել սարքավորումներ (կթի ագրեգատներ) և պարագաներ (տարաներ և սայլակներ) հատուկ պայմաններով:

Մասնավորապես, սարքավորումների և պարագաների ձեռք բերման դեպքում դասընթացի մասնակիցները կստանան  գնումների արժեքի 20 տոկոսի չափով (առավելագույնը մինչև 50,000 դրամ արժողությամբ) նվեր՝ ֆերմայի պարագաներ:

Մասնակցության համար դիմել

Համայնքապետարան կամ «Ռազմավարական Զարգացման Գործակալություն» ՀԿ-ի տարածքային գրասենյակ

 Գրասենյակի աշխատաժամերն են՝ 09:00 – 18:00

Ընդմիջում՝ 13:00-14:00

Հեռ.՝ +374 77 33 55 84 (Սիսիանի գրասենյակ)

      +374  94  06  03 73 (Վայքի գրասենյակ)

     Հայտերի ընդունման վերջնաժամկետն է՝

11.03.2019

«Անասնապահության զարգացում Հայաստանի հարավում» Ծրագիրն իրականացնում է «Ռազմավարական Զարգացման Գործակալություն» ՀԿ-ն՝ «Շվեյցարիայի Զարգացման և Համագործակցության Գործակալության» ֆինանսավորմամբ: