«Ռազմավարական զարգացման գործակալություն» /ՌԶԳ/ ՀԿ-ն ս. թ. հունիսի 9-ին Սյունիքի մարզի Տաթև համայնքի Խոտ բնակավայրում գտնվող Սյունիքի Անասնաշուկայի տարածքում կազմակերպում է Ոչխարների խուզման հերթական, թվով՝ չորրորդ փառատոնը: Փառատոնի նպատակն է առավել ճանաչելի դարձնել Սյունիքի և Վայոց Ձորի մարզերի տեղական արտադրանքը, ավանդույթներն ու մշակույթը, ինչպես նաև նպաստել զբոսաշրջության զարգացմանը:

Փառատոնի ծրագիրն ընդգրկելու է ոչխարների՝ արդեն ավանդական դարձած ձեռքով խուզման մրցույթ, տեղական համայնքների և արտադրողների մասնակցությամբ ցուցահանդես-տոնավաճառ, համերգային ծրագիր, լարախաղաց: Այս տարի փառատոնի հյուրերին սպասվում են բազմաթիվ անակնկալներ և հագեցած միջոցառումներ: Մասնավորապես՝

• Մեծ Բրիտանիայից և հարևան Վրաստանից հրավիրված փորձառու խուզ անողներ, ովքեր առաջին անգամ Հայաստանում ցուցադրական դասընթաց կանցկացնեն Փառատոնի մասնակիցների և հյուրերի համար:
• Ցուցահանդես-տոնավաճառ, որտեղ ուտեստների, խմիչքների և հուշանվերների վաճառքից բացի նաև իրականացվելու է համտես:
• Հրավիրված պաշտոնատար անձանց թվում է նաև ՀՀ նախարարությունների ներկայացուցիչներ, պետական պաշտոնյաներ և Հայաստանի Հանրապետությունում Շվեյցարիայի Համադաշնության Արտակարգ և լիազոր դեսպան՝ Ն.Գ. պարոն Լուկաս Գասսերը: 

ՕՐԱԿԱՐԳ

12:00 – Բացման արարողություն

12:20 – The Time Project խմբի ելույթ

13:00 – Ոչխարների խուզման մրցույթ (I փուլ)

13:20 – Երաժշտական դադար

13:40 – Վարպետության դաս Մեծ Բրիտանիայից հրավիրված խուզողի կողմից

14:00 – Երաժշտական դադար` DJ Mish

14:15 – Մրցույթ այցելուների հետ

14:30 – Ոչխարների խուզման մրցույթ (II փուլ)

14:50 – Երաժշտական դադար

15:10 – Լարախաղաց

15:20 – The Time Project խմբի ելույթ

15:40 – Վրաստանից հրավիրված խուզողների ելույթ

16:00 – Ոչխարների խուզման մրցույթ (III փուլ)

16:20 – Ինտերակտիվ խաղեր, մրցույթներ

16:40 – Խմբային ֆոտո նկարահանում

17:00 – Մրցանակաբաշխության արարողություն 

17:20 – Շուրջպար